Ваенны факультэт наведаў намеснік начальніка Генеральнага штаба Узброеных Сіл па навуковай рабоце, кандыдат тэхнічных навук, палкоўнік Віктар Тумар. Ён азнаёміўся з арганізацыяй адукацыйнага працэсу, матэрыяльна-тэхнічнай базай факультэта, а таксама навуковымі распрацоўкамі і рацыяналізатарскімі прапановамі кафедр.

Таксама адбылася рабочая сустрэча з начальнікам навукова-даследчай часткі Купалаўскага ўніверсітэта Антонам Глазевым. У ходзе рабочай сустрэчы былі абмеркаваны перспектыўныя напрамкі развіцця навуковага і навукова-тэхнічнага супрацоўніцтва Гродзенскага ўніверсітэта з падведамнымі Міністэрству абароны Рэспублікі Беларусь навуковымі арганізацыямі ў галіне сумесных даследаванняў і распрацовак, якія ўяўляюць цікавасць для дзяржаўнага ваенна-прамысловага комплексу краіны, уключаючы існуючыя ва ўніверсітэце распрацоўкі ў галіне віртуальных. трэнажораў для вывучэння прылады і прынцыпаў працы ваеннага абсталявання і ўзбраенняў.