Аўдыт ажыццяўляў супрацоўнік Беларускага дзяржаўнага інстытута стандартызацыі і сертыфікацыі Дзмітрый Кугейка.

Эксперт-аўдытар правёў аўдыт першага прарэктара, прарэктара па вучэбнай рабоце, прарэктара па навуковай рабоце, аддзела менеджменту якасці, інфармацыйна-аналітычнага цэнтра, вучэбна-метадычнага ўпраўлення, Цэнтра даўніверсітэцкай адукацыі, Цэнтра развіцця кар'еры, навукова-даследчай часткі. Сярод структурных падраздзяленняў, у якіх таксама быў праведзены аўдыт, - філалагічны факультэт, кафедра рамана-германскай філалогіі, інжынерны факультэт, кафедра лагістыкі і метадаў кіравання, кафедра машыназнаўства і тэхнічнай эксплуатацыі аўтамабіляў, навукова-даследчая лабараторыя малекулярнай спектраскапіі і оптыкі нанаструктур, факультэт мастацтваў і дызайну.

На заключнай нарадзе па выніках знешняга аўдыту эксперт Дзмітрый Кугейка адзначыў высокую зацікаўленасць кіраўніцтва і персаналу арганізацыі ў дзейсным функцыянаванні сістэмы менеджменту якасці ва ўніверсітэце, лідарства кіраўніцтва, а таксама імкненне да пастаяннага развіцця ў Купалаўскім універсітэце.