У працы семінара прынялі ўдзел прадстаўнікі вышэйшых навучальных устаноў краіны, якія падтрымалі праграму стварэння вузаўскіх стартап-цэнтраў, а таксама супрацоўнікі стартап-цэнтра Парка высокіх тэхналогій.

Гродзенскі дзяржаўны ўніверсітэт імя Янкі Купалы на мерапрыемстве прадставілі кіраўнік Студыі праектаў і стартапаў Алена Разава і начальнік Цэнтра трансферу тэхналогій Алена Апякун.

Працу семінара адкрылі Першы намеснік Міністра адукацыі Аляксандр Бахановіч і начальнік Сакратарыята Назіральнай рады Парка высокіх тэхналогій Ганна Рабава.

Цэнтральнымі тэмамі для абмеркавання сталі роля ўніверсітэтаў у фарміраванні стартап-экасістэмы, праблемы і перспектывы стварэння і развіцця высокатэхналагічных стартапаў, а таксама ўцягванне ў гэтую дзейнасць вучоных, маладых спецыялістаў і студэнтаў. Удзельнікі семінара актыўна дзяліліся напрацаваным вопытам.

Нагадаем, развіццё стартап-руху ў нашай краіне было і ў цэнтры ўвагі нядаўна праведзенай Першай нацыянальнай школы рэктараў.