Нагадаем, што праграма навучання складалася з двух модуляў: першы закранаў канцэптуальныя асновы выхаваўчай і ідэалагічнай работы ва ўстанове адукацыі, а другі - выхаваўчую і ідэалагічную работу ва ўстанове адукацыі.

У канцы адукацыйнай праграмы прарэктар Купалаўскага ўніверсітэта Вячаслаў Раманенка падзякаваў выкладчыкам Рэспубліканскага інстытута вышэйшай школы за высокі ўзровень правядзення навучання, глыбокую прапрацоўку тэм заняткаў і выказаў надзею на далейшае плённае супрацоўніцтва. Слухачам ён пажадаў, каб атрыманыя веды і досвед сталі каштоўным рэсурсам для прафесійнага росту і ўручыў пасведчанні аб павышэнні кваліфікацыі.