5 снежня навуковая бібліятэка Гродзенскага дзяржаўнага ўніверсітэта імя Янкі Купалы правядзе восьмы модуль семінара для вучоных «Навуковыя камунікацыі ў прафесійнай дзейнасці: электронныя сэрвісы і бібліятэчныя інфармацыйныя тэхналогіі». Спікерам семінара выступіць кандыдат філалагічных навук, генеральны дырэктар кампаніі «Пульс навукі» Аркадзь Халюкоў.Семінар будзе прысвечаны актуальнай тэме – «Навукаметрыя як інструмент для прыняцця кіраўніцкіх рашэнняў. Агляд інфармацыйна-аналітычных сістэм кіравання навукай: досвед Рэспублікі Беларусь і Расійскай Федэрацыі». У рамках семінара слухачам прадставяць дэталёвую экспертызу 2-3 навуковых часопісаў «Веснік Гродзенскага дзяржаўнага ўніверсітэта імя Янкі Купалы», падрабязны навуковы SWOT-аналіз універсітэта, аналіз прадстаўленасці ВНУ ў сусветных і рэгіянальных навуковых рэйтынгах і прадэманструюць параўнальныя даныя па вядучых ВНУ Беларусі. Таксама на мерапрыемстве раскажуць пра інфармацыйна-аналітычны інтэрнэт-сэрвіс «ID SCIENCE».
Для зручнасці ўдзельнікаў семінар пройдзе ў гібрыднай форме: вочная сустрэча адбудзецца ў чытальнай зале навуковай бібліятэкі па адрасе: вул. Ажэшкі, 22, каб. 116 у 11:40. Анлайн-трансляцыя будзе арганізавана на платформе Teams. Спасылка на трансляцыю будзе выслана ўдзельнікам напярэдадні мерапрыемства.
Каб стаць слухачом семінара, неабходна да 3 снежня да 12.00 прайсці рэгістрацыю.
Падрабязную інфармацыю аб мерапрыемстве можна знайсці на сайце Навуковай бібліятэкі Гродзенскага дзяржаўнага ўніверсітэта імя Янкі Купалы.