Савет маладых вучоных пры Міністэрстве адукацыі функцыянуе з 9 сакавіка 2020 года і з'яўляецца важным элементам у падтрымцы і развіцці навуковай дзейнасці маладых вучоных. Савет уяўляе сабой пастаянна дзеючы кансультатыўна-дарадчы орган, які аб'ядноўвае больш за 40 перспектыўных прадстаўнікоў навуковай моладзі з розных куткоў краіны.

У ходзе пасяджэння Савета маладых вучоных Міністр адукацыі Андрэй Іванец падзякаваў маладой навуковай супольнасці краіны за плённую работу, а таксама адзначыў іх уклад у айчынную навуку. У сваім выступленні Андрэй Іванец абазначыў ключавыя аспекты развіцця маладзёжнай навукі. Першым момантам, на які ён звярнуў асаблівую ўвагу, гэта стварэнне ўмоў, пры якіх маладое пакаленне будзе праяўляць шчырую цікавасць да навукі. Дабіцца гэтага можна з дапамогай актуальных тэм, стварэння моцных навуковых школ і эфектыўнага настаўніцтва. Другім аспектам увагі стала неабходнасць матэрыяльнай падтрымкі маладых вучоных і развіццё міжнароднага супрацоўніцтва. Міністр адукацыі Андрэй Іванец паставіў задачу забяспечыць умовы, пры якіх навука стане не другарадным, а асноўным відам дзейнасці для маладых вучоных ва ўніверсітэце. Таксама падчас мерапрыемства ўдзельнікі абмеркавалі рэалізацыю навуковых ініцыятываў у краіне.

У час сустрэчы прайшло справаздачна-выбарнае пасяджэнне, на якім быў выбраны новы старшыня Савета маладых вучоных пры Міністэрстве адукацыі Рэспублікі Беларусь. Ім стаў Аляксей Рагінскі.

На пасяджэнні з дакладам аб дзейнасці маладых вучоных Гродзенскага рэгіёну выступіў Барыс Балахонаў, старшыня Савета маладых вучоных Гродзенскага дзяржаўнага ўніверсітэта імя Янкі Купалы, дацэнт кафедры грамадзянскага права і працэсу. У сваім выступленні Барыс Сяргеевіч прадставіў слухачам аналіз навуковых ініцыятыў, дасягненняў і перспектыўных напрамкаў работы маладых вучоных у рэгіёне.

Па выніках пасяджэння Барысу Балахонаву была аб'яўлена падзяка за асабісты ўклад у развіццё Савета маладых вучоных пры Міністэрстве адукацыі і садзейнічанне ў навуковай і інавацыйнай дзейнасці.