12 чэрвеня ў савеце па абароне дысертацый Д 02.12.02 пры Гомельскім дзяржаўным універсітэце імя Францыска Скарыны адбылася паспяховая абарона дысертацыі на тэму «Эмісійны спектральны аналіз сілікатных матэрыялаў» старшага выкладчыка кафедры сучасных тэхналогій праграмавання факультэта матэматыкі і інфарматыкі Мікалая Кур'яна.Абарона прайшла на суісканне вучонай ступені кандыдата фізіка-матэматычных навук па спецыяльнасці 01.04.05 – оптыка. Дысертацыя была падрыхтавана пад навуковым кіраўніцтвам Славаміра Ануфрыка, доктара фізіка-матэматычных навук, прафесара, прафесара кафедры тэарэтычнай фізікі і цеплатэхнікі фізіка-тэхнічнага факультэта.
Віншуем Мікалая Мікалаевіча і жадаем яму далейшых прафесійных поспехаў і навуковых дасягненняў!