Толькі ўчора, 12 ліпеня, у Гродзенскім дзяржаўным універсітэце імя Янкі Купалы пачаўся асноўны этап прыёмнай кампаніі, а дакументы падалі ўжо некалькі сотняў абітурыентаў. Пяцісотым абітурыентам стаў выпускнік з Жодзіна.Юбілейным абітурыентам стаў выпускнік сярэдняй школы № 5 горада Жодзіна Мікіта Ануфрыеў. Для паступлення малады чалавек абраў спецыяльнасць «Фундаментальная і прыкладная біятэхналогія» факультэта біялогіі і экалогіі.
– Мой выбар упаў на гэтую спецыяльнасць з-за яе навізны і перспектыўнасці, – падзяліўся Мікіта Ануфрыеў. – Я заўважыў яе, калі вывучаў пералік напрамкаў. Да таго ж нам расказалі аб гэтай спецыяльнасці на ўроку біялогіі, і яна мяне зачапіла.
Малады чалавек падзяліўся, што біялогія і хімія захаплялі яго з дзяцінства, а да выбару ўніверсітэта ён падышоў з усёй усвядомленасцю. Мікіта Ануфрыеў упэўнены, што Купалаўскі ўніверсітэт дапаможа яму максімальна раскрыцца ў цікавых абласцях.
Павіншаваў юбілейнага абітурыента адказны сакратар прыёмнай камісіі Купалаўскага ўніверсітэта Авак Вартанян