16 верасня ў Гродне прайшоў абласны патрыятычны велапрабег «Мы сілай адзінай моцныя». Мерапрыемства было арганізавана напярэдадні Дня народнага адзінства і сабрала самых актыўных і патрыятычных жыхароў Гродзеншчыны, у тым ліку прадстаўнікоў Гродзенскага дзяржаўнага ўніверсітэта імя Янкі Купалы.Велапрабег быў арганізаваны Гродзенскай абласной арганізацыяй Беларускага прафсаюза работнікаў адукацыі і навукі і прайшоў у рамках спартыўна-масавага мерапрыемства рэспубліканскай акцыі «Дарогамі памяці». Ад ГрДУ імя Янкі Купалы ў мерапрыемстве прынялі ўдзел 17 работнікаў і 25 студэнтаў.
У рамках мерапрыемства ўдзельнікі адправіліся да памятнага знака ля могілак у Путрышках, дзе яны ўсклалі кветкі ў памяць герояў Вялікай Айчыннай вайны і паглядзелі фільм, зняты ў рамках праекта «Генацыд беларускага народа: памяць і боль Гродзенскай зямлі» сумесна Гродзенскім дзяржаўным універсітэтам імя Янкі Купалы і пракуратурай.