Абмеркаванне новага праекта Канстытуцыі выходзіць на фінішную прамую і ўжо зусім хутка беларусы аддадуць свае галасы за будучыню Беларусі на Рэферэндуме. Сёння аб змяненнях і дапаўненнях у Асноўны Закон са студэнтамі гаварылі старшыня Беларускага прафесійнага саюза работнікаў адукацыі і навукі Таццяна Якубовіч, старшыня Гродзенскай абласной арганізацыі Беларускага прафсаюза работнікаў адукацыі і навукі Вера Грышэчка, прарэктар па выхаваўчай рабоце ГрДУ імя Янкі Купалы Васілій Сянько.На дадзеным этапе абмеркавання новага праекту Канстытуцыі на першы план выходзіць дадатковае тлумачэнне зменаў і размова аб важнасці будучага Рэферэндуму. Таксама ў кожнага павінна быць магчымасць атрымаць экспертную думку па пытаннях, якія дапамогуць зрабіць усвядомлены выбар на Рэферэндуме. У сваім выступленні Таццяна Якубовіч спынілася на асноўных прапанаваных зменах, расказала і растлумачыла, чаму наспела неабходнасць уносіць змяненні ў Асноўны Закон.
- З прыняцця нашай Канстытуцыі ў 1994 годзе беларускае грамадства вельмі вырасла і стала больш сталым. Краіна выйшла на новы ўзровень развіцця, у нас з'явілася атамная энергетыка. І свет у цэлым змяніўся, таму заканадаўчая сістэма павінна адпавядаць сучасным рэаліям, - адзначыла Таццяна Якубовіч. - Прыемна бачыць, што наша моладзь цікавіцца новым праектам Канстытуцыі і будучым Рэферэндумам. Студэнты задаюць вельмі глыбокія і прадуманыя пытанні, дыялог з імі ідзе на роўных.
Падчас дыялогавай пляцоўкі спікеры адказалі на пытанні, якія адбыліся ад удзельнікаў форуму. Яны датычыліся рэлігіі, гістарычнай спадчыны, інстытута сям'і, прэзідэнцкіх тэрмінаў, органаў мясцовага самакіравання.
