12 лістапада пачала сваю працу ІІІ Міжнародная навукова-метадычная канферэнцыя «Забеспячэнне якасці адукацыі: стан, праблемы і перспектывы». Адной з пляцовак канферэнцыі стаў Гродзенскі дзяржаўны ўніверсітэт імя Янкі Купалы, сабраўшы настаўнікаў сярэдніх школ і гімназій горада Гродна.У дыялогу прынялі ўдзел першы намеснік начальніка Галоўнага ўпраўлення адукацыі Гродзенскага аблвыканкама Галіна Курганская, начальнік аддзела агульнай сярэдняй і дашкольнай адукацыі Галоўнага ўпраўлення адукацыі Гродзенскага аблвыканкама Святлана Кавалеўская, а таксама першы прарэктар ГрДУ імя Янкі Купалы Аляксандр Карэўскі.
У рамках канферэнцыі прадугледжаны пленарнае пасяджэнне, адкрытая дыялогавая пляцоўка і адкрыты мікрафон па секцыях, якія ахопліваюць усе аспекты развіцця якаснай сістэмы адукацыі.
Арганізатарамі канферэнцыі выступілі Міністэрства адукацыі Рэспублікі Беларусь, Дэпартамент кантролю якасці адукацыі і ўстанова адукацыі «Брэсцкі дзяржаўны тэхнічны ўніверсітэт».
