Запрашаем вас прыняць удзел у Рэспубліканскай навукова-практычнай канферэнцыі «Генацыд у Беларусі ў 1941-1944 гг.: гісторыка-прававыя аспекты (да 85-годдзя пачатку Вялікай Айчыннай вайны)», якая будзе праходзіць 9 кастрычніка 2026 года ў ГрДУ імя Янкі Купалы.Арганізатарам канферэнцыі выступіць кафедра гісторыі Беларусі, археалогіі і спецыяльных гістарычных дысцыплін факультэта гісторыі, камунікацыі і турызму. Сваю працу можна будзе прадставіць у наступных секцыях:
- Гісторыка-дакументальны аспект і новыя факты ў расследаванні Генеральнай пракуратурай Рэспублікі Беларусь крымінальнай справы аб генацыдзе беларускага народа;
- Палітыка «выпаленай зямлі»: эканамічныя і дэмаграфічныя наступствы нацысцкай акупацыі для БССР;
- Прававыя механізмы прыцягнення да адказнасці нацыстаў і іх памагатых, прызнання фактаў генацыду на міжнародным узроўні;
- Гістарычная памяць і супрацьдзеянне фальсіфікацыі гісторыі Вялікай Айчыннай вайны;
- Педагогіка, ідэалогія і грамадзянскае выхаванне;
- Адлюстраванне трагедыі насельніцтва Беларускай ССР у 1941-1945 гг. у культуры і медыяпрасторы.
Рабочыя мовы канферэнцыі – беларуская, руская, англійская. Паўдзельнічаць можна ў вочным, завочным і анлайн фарматах.
Для ўдзелу ў навуковай канферэнцыі неабходна да 15 верасня 2026 года падаць заяўку на адрас: kaf_arheol@grsu.by. У назве файла з заяўкай трэба пазначыць прозвішча аўтара і нумар секцыі.
Падрабязнасці шукайце ў інфармацыйным лісце па спасылцы.