Адкрыла мерапрыемства начальнік упраўлення выхаваўчай работы з моладдзю Купалаўскага ўніверсітэта Аксана Котава. Перад студэнцкай супольнасцю выступілі кіраўнік спраў адміністрацыі Ленінскага раёна г. Гродна Ірына Раўлушэвіч, кандыдат гістарычных навук, дацэнт кафедры гісторыі Беларусі, археалогіі і спецыяльных гістарычных дысцыплін ГрДУ імя Янкі Купалы Аляксей Загідулін, кандыдат гістарычных навук, дацэнт кафедры ўсеагульнай і славянскай гісторыі ГрДУ Наталля Улейчык.

Абмеркаванне розных аспектаў патрыятызму, гісторыі і культуры краіны садзейнічала фарміраванню ў студэнтаў больш глыбокага разумення развіцця гісторыі сваёй Радзімы і ўмацаванню пачуцця прыналежнасці да яе.

Удзельнікі пляцоўкі мелі магчымасць не толькі выказаць сваё меркаванне, але і выслухаць розныя пункты гледжання, што садзейнічала плённасці дыскусіі і пошуку кампрамісаў. Такі фармат зносін дазваляе развіваць навыкі аргументацыі, крытычнага мыслення і павагу да меркавання іншых, што важна для фармавання талерантнага грамадства.

Дыялогавая пляцоўка «Беларусь - краіна адзінства» ў Гродзенскім дзяржаўным універсітэце імя Янкі Купалы стала важнай падзеяй у рамках патрыятычнага выхавання і прадэманстравала значнасць адкрытых зносін, узаемаразумення і павагі да меркавання іншых у фарміраванні гарманічнага грамадства.