Сёння, 28 кастрычніка, у Купалаўскім універсітэце адбылося пасяджэнне рабочай групы па распрацоўцы Стратэгіі ўстановы адукацыі "Гродзенскі дзяржаўны ўніверсітэт імя Янкі Купалы" на перыяд 2026-2030 гг. і на перспектыву да 2035 года.
Абноўленая Стратэгія заснавана на шматгадовым вопыце ўніверсітэта ў галіне стратэгічнага планавання і менеджменту якасці і абапіраецца на задачы, аб'яўленай у Беларусі пяцігодкі якасці.
Стратэгія ахоплівае і вызначае перспектывы якаснага развіцця ўсіх аспектаў дзейнасці ўніверсітэта: развіццё кадравага патэнцыялу, укараненне інавацый у адукацыйны працэс, паляпшэнне інфраструктуры, лічбавую трансфармацыю, паглыбленне супрацоўніцтва з міжнароднымі партнёрамі.
Рэалізацыя Стратэгіі дасць магчымасць павысіць канкурэнтаздольнасць універсітэта, якасць падрыхтоўкі спецыялістаў і ўмацаваць міжнародны акадэмічны аўтарытэт.
У распрацоўцы Стратэгіі актыўна ўдзельнічалі ўсе структурныя падраздзяленні ўніверсітэта, а таксама прадстаўнікі навучэнцаў, выпускнікоў, заказчыкаў кадраў, будучых абітурыентаў і іх бацькоў.
Традыцыі якасці нашага ўніверсітэта дазволілі ў 2025 годзе пяты раз стаць лаўрэатамі Прэміі Урада Рэспублікі Беларусь за дасягненні ў галіне якасці.
Гродзенскі дзяржаўны ўніверсітэт імя Янкі Купалы