17 чэрвеня ў Мінску працягвае працу нарада Міністраў адукацыі дзяржаў-членаў ШАС. Сёння ў рамках мерапрыемства прайшлі канферэнцыя, прысвечаная супрацоўніцтву ў галіне адукацыі, навуковых даследаванняў і вытворчасці Кітая і Беларусі і Форум рэктараў Універсітэта ШАС. Актыўнымі ўдзельнікамі мерапрыемстваў стала дэлегацыя Купалаўскага ўніверсітэта на чале з рэктарам Ірынай Кітурка.Кітайска-Беларуская міжнародная канферэнцыя па супрацоўніцтве ў галіне адукацыі, навуковых даследаванняў і вытворчасці «Інтэлектуальнае ўзаемадзеянне Кітая і Беларусі – сумесныя інавацыі ў кантэксце будучыні» прайшла ў Нацыянальнай бібліятэцы Беларусі. З боку Гродзенскага дзяржаўнага ўніверсітэта імя Янкі Купалы ў ёй прынялі ўдзел рэктар універсітэта Ірына Кітурка і прарэктар па вучэбнай працы Лявонцій Паўлаў.
Значнай часткай мерапрыемства стала прэзентацыя ініцыятывы адкрыцця Інстытута Канфуцыя ГрДУ імя Янкі Купалы, якая рэалізуецца Кітайскім міжнародным фондам па развіццю адукацыі кітайскай мовы, Сіньцзянскім педагагічным універсітэтам і Купалаўскім універсітэтам. Ініцыятыва накіравана на стварэнне новай платформы для ўзаемнага глыбока моўнага, культурнага і навуковага абмену паміж дзвюма краінамі і дасць магчымасць пашырыць магчымасці па вывучэнні кітайскай мовы і культуры для Гродзенскага рэгіёну.
Таксама ў рамках нарады Ірына Фёдараўна разам з дэлегацыяй Купалаўскага ўніверсітэта прыняла ўдзел у Форуме рэктараў Універсітэта Шанхайскай арганізацыі супрацоўніцтва. Гэтае мерапрыемства было прымеркавана да юбілейнай дзесятай Нарады міністраў адукацыі дзяржаў - членаў ШАС і аб'яднала на сваёй пляцоўцы кіраўніцтва, экспертаў і вядучых вучоных з ключавых вышэйшых навучальных устаноў сямі краін.
Удзел Гродзенскага дзяржаўнага ўніверсітэта імя Янкі Купалы ў такіх маштабных мерапрыемствах дазваляе ўмацаваць пазіцыі ўніверсітэта на міжнароднай адукацыйнай і навуковай арэне і сяброўскія сувязі з ВНУ-партнёрамі.
