24 ліпеня ў Гродзенскім дзяржаўным універсітэце імя Янкі Купалы праходзіць перадапошні дзень уступных іспытаў. У гэты дзень свае сілы ў барацьбе за месца ў вядучай ВНУ рэгіёну правярае 171 абітурыент.Экзамены праходзяць па дысцыплінах «Арганізацыя турызму», «Матэрыялазнаўства і тэхналогія матэрыялаў» і «Асновы электратэхнікі». Для тых, хто паступае на творчыя спецыяльнасці («Архітэктура», «Графічны дызайн» і «Мастацкая адукацыя»), прадугледжаны практычныя выпрабаванні па чарчэнні і малюнку.
Нагадаем, што ўсе ўступныя іспыты ў Купалаўскім універсітэце праводзяцца ў пісьмовай, вуснай і практычнай формах у строгай адпаведнасці з графікам прыёмнай камісіі.
Апошні дзень здачы ўступных іспытаў - ужо заўтра, 25 ліпеня. Прыёмная камісія жадае ўсім абітурыентам удачы, натхнення і паспяховай здачы экзаменаў.
