Конкурс праводзіцца на працягу каляндарнага года і прапаноўвае ўдзельнікам наступныя конкурсныя выпрабаванні: «Педагагічная майстэрня», «Інавацыйнае рашэнне» і «Дыялог педагога».

Удзельнікамі конкурснага іспыту «Інавацыйнае рашэнне» сталі 6 супрацоўнікаў. Артыкул, у якім абагульнены вопыт арганізацыі міждысцыплінарнага праекта «Генацыд беларускага народа: памяць і боль Гродзенскай зямлі», прадставіла Іна Мінчук, загадчык кафедры журналістыкі факультэта гісторыі, камунікацыі і турызму. Дырэктар навуковай бібліятэкі Мікалай Грынько падрыхтаваў метадычную распрацоўку квэст-гульні, якая прысвечана жыццю і творчасці Янкі Купалы. Таццяна Гіжук, дацэнт кафедры эксперыментальнай і прыкладной псіхалогіі, у сваім артыкуле прадставіла вопыт арганізацыі аўдыторных заняткаў у фармаце кіналекцый. Старшы выкладчык кафедры ўзроставай і педагагічнай псіхалогіі Антаніна Семак у артыкуле абгрунтоўвае неабходнасць увядзення электыўнага курса «Практычная псіхалогія стрэсу». Работу, прысвечаную аналізу ролі штучнага інтэлекту ў лічбавай трансфармацыі вышэйшай адукацыі, прадставіла Дыяна Зубрык, старшы выкладчык кафедры тэорыі і гісторыі дзяржавы і права. Ірына Клачко, старшы выкладчык кафедры англійскай філалогіі, у сваім артыкуле прадставіла вынікі педагагічнага эксперыменту аб трансфармацыі ролі выкладчыка ва ўмовах цыфравізацыі.

Прыняць удзел у галасаванні па выніках конкурснага іспыту «Інавацыйнае рашэнне» можна па спасылках. За Іну Мінчук, за Мікалая Грынько, за Таццяну Гіжук, за Антаніну Семак, за Дыяну Зубрык, за Ірыну Клачко.

У межах конкурснага выпрабавання «Дыялог педагога» падрыхтаваны тры інтэрв’ю з выкладчыкамі ўніверсітэта: Антанінай Семак, старшым выкладчыкам кафедры узроставай і педагагічнай псіхалогіі; Ірынай Клачко, старшым выкладчыкам кафедры англійскай філалогіі, і Кацярынай Касцюшка, старшым выкладчыкам кафедры журналістыкі.

Прыняць удзел у галасаванні па выніках конкурснага іспыту «Дыялог педагога» можна па спасылках. За Антаніну Семак, за Ірыну Клачко, за Кацярыну Касцюшка.

Прагаласаваць можна да 16 лютага.