Працягнуць навучанне па адукацыйных праграмах магістратуры ГрДУ імя Янкі Купалы ў 2026 годзе можна па 7 спецыяльнасцях. На сайце abit.by у раздзеле «Магістратура» арганізавана электронная чарга, з дапамогай якой кожны абітурыент можа выбраць зручны час для асабістага візіту і падачы дакументаў у прыёмную камісію. Прыём дакументаў ад выпускнікоў Купалаўскага ўніверсітэта гэтага года праходзіць па адрасе Леніна, 32.Уступныя іспыты для абітурыентаў, якія паступаюць для атрымання паглыбленай вышэйшай адукацыі, пройдуць у адпаведнасці з зацверджаным раскладам 9 ліпеня. Кансультацыя ў вочнай форме пройдзе 8 ліпеня, а з відэакансультацыяй можна азнаёміцца на сайце abit.by.
Залічэнне ў лік студэнтаў для атрымання паглыбленай вышэйшай адукацыі дзённай і завочнай форм атрымання адукацыі за кошт сродкаў рэспубліканскага бюджэту пройдзе 14 ліпеня, на платнай аснове – 16 ліпеня.
Прыём дакументаў для атрымання паглыбленай вышэйшай адукацыі, якая забяспечвае атрыманне ступені «Магістр» у ГрДУ імя Янкі Купалы праходзіць з 27 чэрвеня па 5 ліпеня (3 ліпеня – выхадны дзень) з 9.00 да 18.00 па адрасе вул. Леніна, 32.
З умовамі і парадкам прыёму, пералікам спецыяльнасцей, формамі і тэрмінамі навучання, спісам неабходных дакументаў, праграмамі ўступных іспытаў і іншай карыснай інфармацыяй можна азнаёміцца на сайце abit.by у раздзеле «Магістратура».