21 лістапада ў ГрДУ імя Янкі Купалы адбылася дыялогавая пляцоўка «Моладзь і інтэрнэт: формула адказнасці» пры падтрымцы сацыяльна-педагагічнай і псіхалагічнай службы ўніверсітэта.
З прывітальным словам да ўдзельнікаў мерапрыемства звярнуўся прарэктар па ідэалагічнай і выхаваўчай рабоце ГрДУ імя Янкі Купалы Васіль Сянько.
Перад студэнтамі Купалаўскага ўніверсітэта выступіў начальнік 4-га следчага аддзялення Гродзенскага міжраённага аддзела Следчага камітэта Рэспублікі Беларусь Дзмітрый Варвараў. Спікер прадставіў даклад на тэму «Ашуканства ў сетцы Інтэрнэт. Як не стаць ахвярай кіберзлачынцаў (з досведу працы)».
Начальнік Службы бяспекі ГрДУ імя Янкі Купалы Сяргей Шмурэй расказаў студэнтам аб сеткавай бяспецы. Таксама ў дыялогавай пляцоўцы прынялі ўдзел дацэнт кафедры крымінальнага права, крымінальнага працэсу і крыміналістыкі Ірына Майсеева і дацэнт кафедры крымінальнага права, крымінальнага працэсу і крыміналістыкі Рыгор Траццякоў.
Удзельнікі абмеркавалі важнасць адказных паводзін у інтэрнэце, уплыў сацыяльных сетак на моладзь і спосабы фармавання крытычнага мыслення пры выкарыстанні лічбавых рэсурсаў. Асаблівая ўвага была ўдзелена пытанням бяспекі ў сетцы і таму, як пазбегнуць распаўсюджвання дэзінфармацыі.
Гродзенскі дзяржаўны ўніверсітэт імя Янкі Купалы