Гродненский государственный университет имени Янки Купалы - Купалавец - фіналіст Рэспубліканскага конкурсу маладых работнікаў прадпрыемстваў, арганізацый і ўстаноў адукацыі Беларусі "SuperПРОФІ-2024"

Метадыст аддзела падтрымкі маладзёжных праектаў і ініцыятыў упраўлення па ідэалагічнай і выхаваўчай рабоце ГрДУ імя Янкі Купалы Наталля Гузевіч прайшла ў фінал Рэспубліканскага конкурсу маладых работнікаў прадпрыемстваў, арганізацый і ўстаноў адукацыі Беларусі "SuperПРОФІ-2024".

Фінал конкурсу на найлепшага маладога спецыяліста адбудзецца ў сталіцы ўжо сёння. Конкурс складаецца з чатырох этапаў: першы этап - на прадпрыемствах, другі - на ўзроўні раёнаў, трэці - абласны ўзровень і чацвёрты - рэспубліканскі.

Гродзенскую вобласць прадставяць 14 маладых спецыялістаў з розных сфер. Фінальны этап пройдзе на чатырох лакацыях: у Беларускім нацыянальным тэхнічным універсітэце, Беларускім дзяржаўным тэхналагічным універсітэце, Нацыянальным дзіцячым тэхнапарку, Беларускім дзяржаўным універсітэце інфарматыкі і радыёэлектронікі.

Метадыст аддзела падтрымкі маладзёжных праектаў і ініцыятыў упраўлення па ідэалагічнай і выхаваўчай рабоце ГрДУ імя Янкі Купалы Наталля Гузевіч прымае ўдзел у намінацыі "SuperПРОФІ ў сферы работы з моладдзю".

Дасягненні дзяўчыны на шляху да фіналу конкурсу сведчаць аб высокім узроўні кампетэнцый. Наталля з'яўляецца яркім прыкладам маладога спецыяліста, які імкнецца да прафесійнага поспеху і актыўна ўкараняе інавацыйныя падыходы ў сваю работу, што садзейнічае развіццю сферы адукацыі.

У фінале Наталля Гузевіч пакажа сваю візітоўку, а таксама выступіць з творчым нумарам.

- Я прымаю ўдзел у гэтым конкурсе, таму што гэта выдатны спосаб выпрабаваць свае сілы і навыкі ў спаборніцкай абстаноўцы. Акрамя таго, конкурсы дапамагаюць мне пашырыць кола зносін, завесці новыя знаёмствы і абмяняцца досведам з іншымі ўдзельнікамі, - падзялілася Наталля.

Вынікі конкурсу будуць вядомы 28 лістапада, а да гэтага моманту ўдзельнікаў чакаюць захапляльныя семінары і трэнінг-практыкумы.

Арганізатарамі конкурсу з'яўляюцца Міністэрства адукацыі Рэспублікі Беларусь, Рэспубліканскі маладзёжны цэнтр дзяржаўнай установы адукацыі "Рэспубліканскі інстытут вышэйшай школы", Федэрацыя прафсаюзаў Беларусі, Грамадскае аб'яднанне "Беларускі рэспубліканскі саюз моладзі", Рэспубліканскі савет працуючай моладзі пры Міністэрстве адукацыі Рэспублікі Беларусь сумесна з абласнымі выканаўчымі камітэтамі (Мінскім гарадскім выканаўчым камітэтам), рэспубліканскімі органамі дзяржаўнага кіравання, установамі вышэйшай адукацыі.