Пры Гродзенскім гарадскім Савеце дэпутатаў працуе Маладзёжны парламент, які прымае актыўны ўдзел у дэпутацкай рабоце, і сярод купалаўцаў нямала яго ўдзельнікаў. Для больш цеснага наладжвання супрацоўніцтва было падпісана пагадненне аб супрацоўніцтве.
Дакумент сваімі подпісамі ва ўрачыстай абстаноўцы змацавалі старшыня Гродзенскага гарадскога Савета дэпутатаў Алег Бялінскі і першы прарэктар Гродзенскага дзяржаўнага ўніверсітэта імя Янкі Купалы Аляксандр Карэўскі. Алег Генадзьевіч адзначыў, што Маладзёжны парламент – гэта ўнікальная пляцоўка, дзе маладыя людзі могуць праявіць сябе не толькі ў рамках міжгаліновых мерапрыемстваў, але і актыўна ўдзельнічаць у прыняцці рашэнняў рознага ўзроўню, унесці свой уклад у развіццё рэгіёну і краіны ў цэлым.
У сувязі з гэтым было прынятае рашэнне аб фармаванні першага склікання Моладзевага парламента, у які ўвайшлі студэнты старэйшых курсаў. Іх паўнамоцтвы разлічаны на пяць гадоў. Цягам першага года моладзі будуць дапамагаць развіваць неабходныя навыкі, падказваць і накіроўваць. Так, пасля выпуску з універсітэта юнакі і дзяўчаты ўжо будуць ведаць, як уладкованы дэпутацкі корпус, як прымаюцца рашэнні, якія датычацца эканамічнай, палітычнай, сацыяльнай сфер. У далейшым як прадстаўнікі працуючай моладзі яны змогуць рэалізоўваць сумесныя праекты для горада.
Таксама ў рамках сустрэчы адбыўся адкрыты дыялог, у якім студэнты прынялі актыўны ўдзел. Адной з ключавых тэм абмеркавання стала электаральная кампанія. Першы этап – збор подпісаў актывістамі – паспяхова завершаны. Цяпер ідзе праверка подпісаў на сапраўднасць. А з 22 снежня Цэнтральная выбарчая камісія пачне рэгістрацыю кандыдатаў у Прэзідэнты Рэспублікі Беларусь.
Удзельнікі абмеркавалі сацыяльныя, эканамічныя, культурныя, палітычныя і многія іншыя пытанні. Алег Генадзьевіч таксама расказаў аб развіцці горада, адзначыўшы, што паказчыкі рэальнага сектара эканомікі дэманструюць станоўчую дынаміку.
Акрамя таго, была адзначана работа дэпутацкага корпуса. Кіраўнік Гродзенскага гарадскога Савета дэпутатаў звярнуў увагу на актыўнае супрацоўніцтва з гарадамі-пабрацімамі Гродна. Гэта садзейнічае ўстанаўленню новых сяброўскіх сувязей і рэалізацыі сумесных ініцыятыў у розных сферах.
Гродзенскі дзяржаўны ўніверсітэт імя Янкі Купалы