У Купалаўскім універсітэце стартуе VIII Гродзенскі турнір юных матэматыкаў для вучняў 5-7 класаў устаноў адукацыі Гродзенскай вобласці. Арганізатарамі турніру выступаюць Галоўнае ўпраўленне адукацыі Гродзенскага абласнога выканаўчага камітэта і Гродзенскі дзяржаўны ўніверсітэт імя Янкі Купалы.
З прывітальным словам да юных матэматыкаў звярнуўся першы прарэктар Купалаўскага ўніверсітэта Аляксандр Карэўскі. Ён павіншаваў рабят з пачаткам цікавай, але дастаткова складанай справы ў іх жыцці - даследчай працы. Аляксандр Яўгенавіч заўважыў, што матэматыкі вельмі паспяховыя не толькі ў сваёй галіне, але і ў праграмаванні, эканоміцы, кіраванні, музыцы і вывучэнні замежных моў.
Турнір юных матэматыкаў - гэта каманднае спаборніцтва навучэнцаў ва ўменні вырашаць матэматычныя задачы даследчага характару, пераканаўча і пісьменна прадстаўляць атрыманыя вынікі, аргументавана адстойваць свой пункт гледжання ў публічных дыскусіях. Турнір праводзіцца з мэтай выяўлення адораных навучэнцаў, развіцця іх інтэлектуальных здольнасцей, прыцягнення навучэнцаў 5, 6, 7 класаў да даследчай працы ў галіне матэматыкі.
Намеснік дэкана факультэта матэматыкі і інфарматыкі Таццяна Ванькова прадставіла школьнікам факультэт і ўніверсітэт, расказала пра традыцыі ФАМІ, а таксама пра важную падзею – 85-гадовы юбілей універсітэта, у рамках якога і праводзіцца турнір.
Начальнік цэнтра развіцця кар'еры Ірына Карлюкова падкрэсліла важнасць далейшага развіцця цікавасці да матэматыкі і вядзення навукова-даследчай дзейнасці. Яна адзначыла, што ў Гродзенскім дзяржаўным універсітэце імя Янкі Купалы створаны ўсе ўмовы для здольных і таленавітых навучэнцаў.
Вочны этап турніру праходзіць на базе Купалаўскага ўніверсітэта. Пасля рэцэнзавання папярэдніх матэрыялаў, прадстаўленых 11 камандамі, да ўдзелу ў вочным туры былі дапушчаны 8 каманд устаноў агульнай сярэдняй адукацыі Гродзенскай вобласці: ДУА «Гімназія №3 імя А.І. Соламавай г. Гродна», каманда навучэнцаў устаноў адукацыі Ваўкавыскага раёна, ДУА «Гімназія №2 імя І.У. Болдзіна г. Гродна», ДУА «Воранаўская сярэдняя школа», ДУА «Сярэдняя школа №8 г. Слоніма», ДУА «Мураванаашмянкаўская сярэдняя школа», ДУА «Сярэдняя школа №3 г. Астраўца», ДУА «Гімназія №9 імя Ф.П. Кірычэнкі г. Гродна».
У склад журы заключнага этапа VIII Гродзенскага турніру юных матэматыкаў увайшлі загадчык кафедры матэматычнага і інфармацыйнага забеспячэння эканамічных сістэм Ірына Трыфанава, дацэнт кафедры фундаментальнай і прыкладной матэматыкі Алена Кулеш, старшы выкладчык кафедры матэматычнага і інфармацыйнага забеспячэння эканамічных сістэм Наталля Казлоўская, выпускнік факультэта матэматыкі ДУА «Гімназія №3 імя А.І. Соламавай г. Гродна» Яўген Разумаў, выпускнікі курсаў «Алімпіядная матэматыка» Школы дакладных навук факультэта матэматыкі і інфарматыкі Купалаўскага ўніверсітэта, студэнты 2 курса факультэта матэматыкі і інфарматыкі Кацярына Марціновіч і Марыя Якімава, студэнты 4 курса факультэта матэматыкі і інфарматыкі Вадзім Пазняк і Анжаліка Трусіла, слухач курсаў “Алімпіядная матэматыка” Школы дакладных навук факультэта матэматыкі і інфарматыкі Міхаіл Дзем'яновіч.
На першым этапе вочнага тура турніру - каманднай алімпіяды - рабятам трэба вырашыць 8 задач. Далей навучэнцам у адборачных баях трэба будзе прадставіць свае рашэнні па адной задачы, выступіць у ролі апанента і рэцэнзента па задачах іншых удзельнікаў матэматычнага спаборніцтва.
Гродзенскі дзяржаўны ўніверсітэт імя Янкі Купалы