Згодна з планам мэтавага набору, Гродзенскі дзяржаўны ўніверсітэт імя Янкі Купалы набірае на першы курс 205 абітурыентаў з накіраваннем ад арганізацыі-заказчыка. У мінулым годзе на ўмовах мэтавай падрыхтоўкі ў Купалаўскі ўніверсітэт паступілі 194 абітурыенты. Прыём мэтавікоў будзе весціся па 35 спецыяльнасцях (у 2024 годзе – па 31), у тым ліку па 15 спецыяльнасцях з прысваеннем кваліфікацыі «Выкладчык» або «Педагог» і 8 спецыяльнасцях з прысваеннем кваліфікацыі «Інжынер».
ДДля прыёму абітурыентаў па спецыяльнасцях з прысваеннем кваліфікацыі «Выкладчык» або «Педагог» выдзелена 117 месцаў, па спецыяльнасцях з прысваеннем кваліфікацыі «Інжынер» – 27 месцаў, па астатніх спецыяльнасцях – 61 месца. Найбольшая колькасць месцаў заяўлена па спецыяльнасцях «Адукацыя ў галіне фізічнай культуры» – 23 месцы, «Правазнаўства» – 19 месцаў, «Пачатковая адукацыя» і «Мытная справа» – па 18 месцаў, «Гісторыя» – 14 месцаў, «Спецыяльная і інклюзіўная адукацыя» і «Будаўніцтва будынкаў і збудаванняў» – па 12 месцаў, «Псіхалогія» – 8 месцаў.
Заяўкі на падрыхтоўку спецыялістаў па мэтавай дамове ў 2025 годзе ў Купалаўскім універсітэце падаў 41 заказчык кадраў: Галоўнае ўпраўленне адукацыі Гродзенскага абласнога выканаўчага камітэта, Галоўнае ўпраўленне па адукацыі Мінскага аблвыканкама, Галоўнае ўпраўленне па адукацыі Брэсцкага аблвыканкама, Упраўленне спорту і турызму Гродзенскага аблвыканкама, Галоўнае фінансавае ўпраўленне Гродзенскага абласнога выканаўчага камітэта, ДУ «Гродзенскі раённы міжгаліновы цэнтр для забеспячэння дзейнасці бюджэтных арганізацый і дзяржаўных органаў», ДУ «Рэдакцыя «ЛідаМедыяКампанія», ДУ «Рэдакцыя газеты «Бярэзiнская панарама», ДУ «Рэдакцыя рэгіянальнай газеты «Перспектыва», Гуманітарны каледж установы адукацыі «Гродзенскі дзяржаўны ўніверсітэт імя Янкі Купалы», ДУА «Цэнтр дадатковай адукацыі дзяцей і моладзі г. Бабруйска», Дэпартамент крымінальнай разведкі Міністэрства ўнутраных спраў Рэспублікі Беларусь, ЗАТ «СМУ № 7 г. Ліда», Інспекцыя Міністэрства па падатках і зборах Рэспублікі Беларусь па Кастрычніцкім раёне г. Гродна, ААТ «Аўтобусны парк г. Гродна», ААТ «Белкард», ААТ «Гродзенскі механічны завод», ААТ «Гродна Азот», ААТ «Гроднапрамбуд», ААТ «Шклозавод «Нёман», ААТ «Будаўніча-мантажны трэст № 19», ТАА «УЛАДЕ Лагістык», ТАА «Кіндам Лагістык», ТАА «ОЙКАДОМАС», ТАА «СэрвісПрамПак», ТАА «Друкарня Спектр», РУП «Гродзенскае агенцтва па дзяржаўнай рэгістрацыі і зямельным кадастры», РУП Радыётэлецэнтр «Тэлерадыёкампанія «Гродна», РУП «Гроднаэнерга», Сэрвіснае ўнітарнае прадпрыемства «АзотСэрвіс», СТАА «ЗОЎПЛІТ» «Інстытут Гроднаграмадзянпраект», ААТ «Краснасельскбудматэрыялы», Упраўленне Следчага камітэта Рэспублікі Беларусь па Гродзенскай вобласці, УА «Нацыянальны дзіцячы адукацыйна-аздараўленчы цэнтр «Зубраня», прыватнае прадпрыемства «Імперыя дэвайсаў", ПГУП «Транс-Лайф», Дзяржаўны мытны камітэт.
На сайце «Абітурыент-2025» abit.by у раздзеле «Мэтавы прыём» прадстаўлены кантакты працадаўцаў, да якіх можна звярнуцца і заключыць дамову на навучанне.
Як будзе праходзіць залічэнне целівікоў?
Залічэнне абітурыентаў, якія паступаюць для атрымання вышэйшай адукацыі на ўмовах мэтавай падрыхтоўкі, праводзіцца па конкурсе на аснове агульнай сумы балаў, падлічанай па выніках здачы ўнутранага ўступнага іспыту ва ўніверсітэце па вучэбным прадмеце, які вызначаны прадметам першага профільнага іспыту, і сярэдняга бала атэстата аб агульнай сярэдняй адукацыі, або дыплома.
– Абітурыенты, якія не прайшлі па конкурсе для атрымання вышэйшай адукацыі на ўмовах мэтавай падрыхтоўкі, могуць удзельнічаць у конкурсе на агульных падставах. У гэтым выпадку ў прыёмную камісію трэба будзе падаць сертыфікаты цэнтралізаванага іспыту і цэнтралізаванага тэсціравання, – расказаліў прыёмнай камісіі.
Тэрміны ўступнай кампаніі для мэтавікоў
Для абітурыентаў, якія паступаюць у Купалаўскі ўніверсітэт для атрымання вышэйшай адукацыі на ўмовах мэтавай падрыхтоўкі, устанаўліваюцца наступныя тэрміны прыёмнай кампаніі:
- падача дакументаў (акрамя выпускнікоў класаў профільнай накіраванасці) – з 27 чэрвеня па 2 ліпеня;
- падача дакументаў выпускнікамі класаў профільнай накіраванасці – з 27 па 28 чэрвеня;
- правядзенне сумоўя для выпускнікоў класаў профільнай накіраванасці – 30 чэрвеня;
- правядзенне ўступных іспытаў (акрамя выпускнікоў класаў профільнай накіраванасці) – з 4 па 10 ліпеня (у адпаведнасці з раскладам);
- залічэнне – 12 ліпеня.
Якія дакументы патрэбныя мэтавікам для паступлення ва ўніверсітэт?
Для ўдзелу ў конкурсе на атрыманне вышэйшай адукацыі на ўмовах мэтавай падрыхтоўкі абітурыент падае ў прыёмную камісію пакет дакументаў:
- дагавор аб мэтавай падрыхтоўцы спецыяліста з вышэйшай адукацыяй (у 3-х экзэмплярах);
- медыцынскую даведку аб стане здароўя;
- рэкамендацыю педагагічнай рады ўстановы адукацыі, якую скончыў абітурыент або з апошняга месца працы (службы);
- дакумент, які сведчыць асобу;
- характарыстыку, выдадзеную ўстановай адукацыі - для абітурыентаў, якія атрымалі адукацыю ў 2025 годзе;
- дакументы аб ільготах (пры іх наяўнасці);
- арыгінал дакумента аб адукацыі;
- сертыфікаты цэнтралізаванага іспыту (для выпускнікоў 2025 года);
- 4 фатаграфіі памерам 3x4 гл;
- канверт маркіраваны просты (для перасылкі простай пісьмовай карэспандэнцыі ў межах Рэспублікі Беларусь).
Гутарка для выпускнікоў профільных класаў (груп) педагагічнай і спартыўна-педагагічнай накіраванасці адбудзецца 30 чэрвеня. З 4 па 10 ліпеня згодна з раскладам пройдуць уступныя іспыты ў вуснай ці практычнай форме па першым профільным прадмеце спецыяльнасці для астатніх мэтавікоў. Выпрабаванне будзе праходзіць па наступнай схеме: абітурыент цягне білет, запісвае адказ на лісце адказу і адказвае экзаменацыйнай камісіі. Экзамен запісваецца на відэа на выпадак узнікнення спрэчных пытанняў.
Адзнака за ўступны іспыт выстаўляецца па 10-бальнай сістэме, пасля чаго пераводзіцца ў 100-бальную. Атрыманы вынік падсумоўваецца з сярэднім балам атэстата - такім чынам выбудоўваецца конкурс.
З пытаннямі да ўступных іспытаў для атрымання вышэйшай адукацыі на ўмовах мэтавай падрыхтоўкі можна азнаёміцца на сайце «Абітурыент-2025» (abit.by) у раздзеле «Уступныя іспыты і кансультацыі».
Залічэнне на «мэтавыя» спецыяльнасці ў Купалаўскім універсітэце адбудзецца 12 ліпеня.
Па ўсіх пытаннях паступлення ў ГрДУ імя Янкі Купалы можна звярнуцца на гарачую лінію: 8 (0152) 67-01-01 у буднія дні з 9:00 да 17:00. Таксама задаць пытанні ў любы час можна ў чаце Лічбавага кабінета абітурыента.
Гродзенскі дзяржаўны ўніверсітэт імя Янкі Купалы