Гродненский государственный университет имени Янки Купалы - Знаўцы права і традыцый: у Купалаўскім універсітэце прайшла інтэлектуальная гульня "Законы сям'і"

У рамках мерапрыемстваў, прымеркаваных да Міжнароднага дня сям'і, у ГрДУ імя Янкі Купалы была арганізавана інтэлектуальная гульня "Знаўцы сям'і". Студэнты розных факультэтаў сустрэліся, каб прадэманстраваць свае веды ў галіне сямейнага права і народных традыцый.

Праграма гульні складалася з пяці тураў. Заданні былі самымі разнастайнымі: ад праверкі ведаў асноўных палажэнняў Кодэкса Рэспублікі Беларусь аб шлюбе і сям'і да віктарын. Удзельнікі разгадвалі тэматычныя рэбусы, успаміналі прыказкі і прымаўкі аб доме і родных.

Асаблівую цікавасць выклікалі пытанні, якія патрабуюць не толькі прававых ведаў, але і кемлівасці. Напрыклад, студэнты высвятлялі, колькі імёнаў па законе можа мець дзіця, з якога ўзросту дзеці маюць права самастойна распараджацца грашыма, а таксама абмяркоўвалі тэмы шлюбнага жыцця і шматдзетных сем'яў.

Па выніках гульні ганаровае першае месца заваявала каманда факультэта эканомікі і кіравання. Другое месца заняла каманда факультэта гісторыі, камунікацыі і турызму. На трэцім месцы - каманда факультэта біялогіі і экалогіі.