21 лістапада, у другі дзень працы міжнароднага адукацыйнага мерапрыемства “Маладзёжная псіхалагічная школа. Псіхалогія сям'і: выклікі новага часу» купалаўцы правялі майстар-класы для калег з Паўночнага (арктычнага) федэральнага ўніверсітэта імя М.В. Ламаносава.
За два дні ўдзельнікі праекта абмеркавалі праблемы, якія ўзнікаюць у сям'і, закранулі пытанні дзіцяча-бацькоўскіх адносін і разгледзелі мноства іншых аспектаў.
У другі дзень мерапрыемства выкладчыкамі Купалаўскай ВНУ была прадстаўлена галерэя практык псіхалагічнай працы на тэму "Сям'я ва ўмовах крызісу". У рамках гэтай тэмы прайшла серыя майстар-класаў: "Суправаджэнне бацькоў з дзецьмі з аўтызмам", "Выкарыстанне КПТ пры рабоце з сям'ёй", "Праектыўныя тэхнікі ў сямейным кансультаванні", "Браты і сёстры: як дапамагчы дзецям жыць дружна". Рабочы дзень завяршыўся рэфлексіяй, што дало магчымасць удзельнікам абмеркаваць атрыманы вопыт.
Гродзенскі дзяржаўны ўніверсітэт імя Янкі Купалы