30 красавіка на базе Беларускага дзяржаўнага аграрнага тэхнічнага ўніверсітэта адбыўся рэспубліканскі адукацыйны праект «СтудПРАсоўванне». Наш універсітэт прадставіла старшыня студэнцкага савета Купалаўскага ўніверсітэта, студэнтка 3 курса факультэта гісторыі, камунікацыі і турызму Карына Місцюк.
Мэтай праекта стала ўдасканаленне навыкаў і кампетэнцый членаў Грамадскага рэспубліканскага студэнцкага савета ў рамках адукацыйных сесій форума, а таксама развіццё іх лідарскіх якасцяў і навыкаў тайм-мэнэджменту.
- Такія пляцоўкі даюць магчымасць зірнуць на звыклыя задачы пад новым вуглом. Вяртаюся з багажом ідэй і натхненнем, каб укараняць найлепшыя рэспубліканскія практыкі ў нашым родным ГрДУ! - адзначыла Карына Місцюк.
Акрамя канструктыўнага абмену вопытам, сустрэча з лідарамі ўніверсітэтаў дазволіла сфарміраваць агульную стратэгію развіцця сумеснай праектнай дзейнасці.
Гродзенскі дзяржаўны ўніверсітэт імя Янкі Купалы