Варта адзначыць, што этап, які пачаўся, не першы ў календары ўступнай кампаніі Купалаўскага ўніверсітэта. Да гэтага ўжо ажыццяўляўся прыём абітурыентаў, якія жадаюць вучыцца па мэтавым накіраванні, і пераможцаў шматпрофільнай алімпіяды ВНУ. Сярод ужо прынятых 199 «мэтавікоў» і 24 пераможцы алімпіяд ВНУ.
Штогод Гродзенскі дзяржаўны ўніверсітэт імя Янкі Купалы прымае ў сваю сям'ю больш за дзве тысячы першакурснікаў, і з кожным годам гэтая лічба расце.
– Сёлета мы прымем у купалаўскую сям’ю 2314 новых студэнтаў. З іх 1469 студэнтаў, якія будуць залічаны на бюджэтную форму навучання. Адзначу, што гэта на 27 бюджэтных месцаў больш, чым летась», — адзначыла Ірына Фёдараўна.
Студэнтамі платнай формы навучання змогуць стаць 845 чалавек, поўнай заканадаўчай бюджэтнай формы навучання – 30 чалавек, а платнай – 60. Па завочнай скарочанай форме на бюджэт змогуць паступіць 237 чалавек, а па платнай форме – 180.
Ірына Фёдараўна таксама падзялілася новаўвядзеннямі, якія з’явіліся ў гэтым годзе: у купалаўскім універсітэце ў рамках развіцця канцэпцыі інжынернай адукацыі адкрыта новая спецыяльнасць — «Інжынерна-тэхнічнае канструяванне матэрыялаў і вырабаў з іх», а таксама адноўлены набор на спецыяльнасць «Правазнаўства» на дзённай і завочнай скарочанай формах навучання і на спецыяльнасць «Дызайн касцюма і тэкстылю» на дзённую.
Вітаючы абітурыентаў і іх бацькоў, старшыня Гродзенскага гарвыканкама Андрэй Хмель адзначыў важнасць сённяшняга дня не толькі для абітурыентаў і купалаўскага ўніверсітэта, але і для ўсяго горада:
– Сёння адбываецца вельмі важная падзея не толькі для ўніверсітэта, але і для горада Гродна ў цэлым. Мы вельмі рады, калі да нас прыязджаюць не толькі гродзенцы, але і дзеці з-за межаў нашага горада. Мы гэтым ганарымся», — адзначыў Андрэй Валер'евіч. – Гродна – горад шчаслівых людзей, і мы робім усё, каб кожны, хто тут жыве і вучыцца, адчуваў сябе па-сапраўднаму шчаслівым.
Важнасць першага дня ўступнай кампаніі адзначыў і начальнік Гродзенскай рэгіянальнай мытні Аляксандр Піхун. Таксама ён падкрэсліў шматгадовае плённае супрацоўніцтва Гродзенскай рэгіянальнай мытні з Купалаўскім універсітэтам.
Кіраўнік СЭЗ "Гроднаінвест" Дзмітрый Ражкоў падкрэсліў, што універсітэт дае не проста прафесію, а фундамент, які дапамагае выбудоўваць кар'еру ў свеце, які імкліва змяняецца.
– Вы павінны разумець, што універсітэт дасць вам адукацыю, і ў рамках гэтай адукацыі вы ўжо самі будзеце выбудоўваць сваю кар'еру, - звярнуўся да абітурыентаў Дзмітрый Барысавіч. - Магчыма, некалькі гадоў давядзецца лавіраваць у існуючым свеце, глядзець, як сябе ўпісаць у новую гісторыю. Але будзьце ўпэўненыя, што прыйшоўшы сёння ў Купалаўскі ўніверсітэт, вы зрабілі правільны выбар.
Традыцыйна ў першы дзень асноўнага этапу паступлення ва ўрачыстай абстаноўцы ўшаноўвалі першых абітурыентаў, якія паказалі высокія вынікі ў вучобе, спорце і грамадскім жыцці горада. У іх лік увайшлі залатыя медалісты, прызёры рэспубліканскіх алімпіяд, уладальнікі 100 балаў на ЦТ і ЦЭ, выпускнікі спецыялізаваных класаў і Нацыянальнага дзіцячага тэхнапарку, актывісты, а таксама юнакі, якія вызначыліся спартыўнымі дасягненнямі.
Сваімі ўражаннямі аб паступленні падзяліліся некаторыя з іх.
Выпускніца гімназіі № 6 імя Ф.Э. Дзяржынскага горада Гродна Кацярына Краўцэвіч прыйшла падаваць дакументы на факультэт матэматыкі і інфарматыкі. Яна прызналася, што для яе і Гродна, і Гродзенскі дзяржаўны ўніверсітэт імя Янкі Купалы заўсёды былі асаблівымі:
– Я сама з Гродна, і для мяне гэта самы лепшы горад у Беларусі. І, вядома, Гродзенскі дзяржаўны ўніверсітэт імя Янкі Купалы – гэта адзін з самых лепшых універсітэтаў Беларусі. Я выбрала факультэт матэматыкі і інфарматыкі, спецыяльнасць "Кіраванне інфармацыйнымі рэсурсамі". Мне цікавая гэтая сфера, я лічу, што ў будучыні я змагу звязаць з гэтым сваё жыццё.
Выпускніца сярэдняй школы № 39 імя І. Д. Лебедзева горада Гродна і Нацыянальнага дзіцячага тэхнапарку Дар'я Раманюк прызналася, што ў Купалаўскі ўніверсітэт планавала паступаць ужо даўно.
– Для мяне горад Гродна – самы прыгожы горад у нашай краіне, і мне не хочацца пакідаць яго. Таксама я з восьмага класа марыла паступіць у Купалаўскі ўніверсітэт, таму мой выбар упаў менавіта на яго, – прызналася дзяўчына. - Я паступаю на спецыяльнасць «Архітэктура». Выбрала я гэтую спецыяльнасць, таму што з самага дзяцінства я любіла маляваць і заўсёды зазіралася на архітэктуру будынкаў. Канчаткова я зразумела, што хачу паступаць менавіта на гэтую спецыяльнасць, калі паехала ў тэхнапарк.
А Соф'я Длубакоўская, выпускніца сярэдняй школы № 8 імя Казбека Нуржанава горада Ваўкавыска, падзялілася, што на яе паступленне ў ГрДУ імя Янкі Купалы паўплывала ўдзел ва ўніверсітэцкім фестывалі "Медыясфера":
– Я доўгі час думала, куды паступаць: у БДУ ці ў Купалаўскі ўніверсітэт. Канчатковае рашэнне я прыняла пасля фестывалю "Медыясфера". Я паступаю на спецыяльнасць "Журналістыка". З дзяцінства я вельмі любіла глядзець з бацькамі тэлеперадачы і ў цэлым заўсёды захаплялася творчасцю. Звязаць сваё жыццё з журналістыкай было маёй дзіцячай марай.
З сённяшняга дня прыём дакументаў на ўсе формы атрымання вышэйшай адукацыі за кошт сродкаў рэспубліканскага бюджэту працягнецца без выхадных да 17 ліпеня ўключна. У гэтыя ж тэрміны пройдзе прыём дакументаў на спецыяльнасці, для якіх прадугледжаны ўнутрыўніверсітэцкія іспыты. Для тых, хто выбірае платную форму навучання, а таксама для жадаючых атрымаць другую вышэйшую адукацыю, прыёмная кампанія працягнецца да 1 жніўня.
Асаблівыя даты прыёму дакументаў прадугледжаны для абітурыентаў, якія скончылі ў школах профільнае навучанне педагагічнай, спартыўна-педагагічнай і інжынернай накіраванасці і прайшлі навучанне ў Нацыянальным дзіцячым тэхнапарку. Яны могуць падаваць дакументы на дзённую і завочную формы з 12 па 14 ліпеня.
Ваенны факультэт Гродзенскага дзяржаўнага ўніверсітэта імя Янкі Купалы карыстаецца вялікай папулярнасцю сярод маладых людзей, якія жадаюць звязаць сваё жыццё са служэннем сваёй Айчыне. У гэтым годзе сюды набіраюць 60 абітурыентаў. З іх 52 чалавекі – на спецыяльнасць “Тылавое забеспячэнне войскаў” і 8 чалавек – на спецыяльнасць “Фізічная культура”.
Папоўніць рады курсантаў гатовы і выпускнік сярэдняй школы № 34 горада Гродна Данііл Баравік. Для яго навучанне на ваенным факультэце стане працягам сямейнай традыцыі.
– Для мяне ваенная прафесія вельмі блізкая. У маёй сям'і многія працуюць у органах, ва Узброеных сілах, у МУС, таму для мяне вялікі гонар прадоўжыць гэтую дынастыю. Я абраў ваенны факультэт нашага Купалаўскага ўніверсітэта, таму што я лічу яго адным з лепшых.
Ваенны факультэт таксама мае ўласны расклад - прыём дакументаў тут працягнецца з 12 па 19 ліпеня. Акрамя стандартнага набору дакументаў, абітурыенты павінны прадэманстраваць сваю фізічную падрыхтоўку на ўнутраных іспытах па здачы нарматываў.
Нагадаем, каб працэс паступлення быў максімальна зручным, у Купалаўскім універсітэце актыўна працуе Лічбавы кабінет абітурыента. Ён дазваляе атрымаць адказы на ўсе пытанні, якія цікавяць, у рэжыме рэальнага часу адсочваць праверку дакументаў і вынікі паступлення, а таксама запісацца ў электронную чаргу на асабістую падачу дакументаў. Раім усім абітурыентам зарэгістравацца у ім, а таксама загадзя запоўніць заяву і адправіць неабходныя для паступлення дакументы.
Гродзенскі дзяржаўны ўніверсітэт імя Янкі Купалы