У ГрДУ імя Янкі Купалы адбыўся прагляд дакументальнага фільма «Інтэрв'ю з ветэранамі Вялікай Айчыннай вайны», арганізаваны ў рамках праекта «Кіно ў дэталях». Гэта падзея стала ўнікальнай магчымасцю для студэнтаў-купалаўцаў даведацца пра асабістыя гісторыі і перажыванні тых, хто прайшоў праз цяжкія выпрабаванні вайны.
Мерапрыемства прысвечана 80-й гадавіне Перамогі савецкага народа ў Вялікай Айчыннай вайне. У праглядзе дакументальнага фільма прынялі ўдзел прадстаўнікі маладзёжных аб'яднанняў ГрДУ імя Янкі Купалы, уключаючы першасную арганізацыю Грамадскага аб'яднання «Беларускі Рэспубліканскі Саюз моладзі», першасную прафсаюзную арганізацыю навучэнцаў універсітэта і студэнцкі савет.
Удзельнікі мерапрыемства адзначылі важнасць захавання гістарычнай памяці аб подзвігу савецкіх салдат у гады Вялікай Айчыннай вайны.
Гродзенскі дзяржаўны ўніверсітэт імя Янкі Купалы