18 і 19 чэрвеня ў ГрДУ імя Янкі Купалы адбыліся сустрэчы з прадстаўнікамі Гродзенскага міжраённага аддзела Следчага камітэта Рэспублікі Беларусь на фізіка-тэхнічным факультэце, факультэце фізічнай культуры і факультэце гісторыі, камунікацыі і турызму.
Галоўнай мэтай сустрэч стала павышэнне прававой граматнасці і дасведчанасці студэнтаў і супрацоўнікаў універсітэта аб бяспецы ў лічбавай прасторы, а таксама супрацьдзеянне злачынствам, якія ўчыняюцца з выкарыстаннем магчымасцей глабальнай сеткі Інтэрнет.
Вольга Гарбачык, старшы следчы 4-га следчага аддзялення Гродзенскага міжраённага аддзела Следчага камітэта Рэспублікі Беларусь, выступіла перад студэнтамі і супрацоўнікамі фізіка-тэхнічнага факультэта. Яна падкрэсліла важнасць разумення прававых аспектаў бяспекі ў інтэрнеце і адказала на хвалюючыя пытанні ўдзельнікаў.
На факультэце гісторыі, камунікацыі і турызму аб кібербяспецы расказаў Мікіта Івашка, старшы следчы 4-га следчага аддзялення Гродзенскага міжраённага аддзела Следчага камітэта Рэспублікі Беларусь. Ён расказаў аб сучасных метадах расследавання кіберзлачынстваў і значнасці захавання прававых норм у інтэрнеце.
Наталля Арочка, старшы следчы 4-га следчага аддзялення Гродзенскага міжраённага аддзела Следчага камітэта Рэспублікі Беларусь, правяла сустрэчу з прадстаўнікамі факультэта фізічнай падрыхтоўкі і педагагічнага факультэта. У сваім выступленні яна акцэнтавала ўвагу на актуальных пагрозах у лічбавай прасторы і дала парады па абароне асабістай інфармацыі.
Удзельнікі мерапрыемстваў атрымалі каштоўныя веды аб бяспецы ў інтэрнэце і спосабах абароны ад кіберзлачынстваў. ГрДУ імя Янкі Купалы выказвае падзяку прадстаўнікам Следчага камітэта за актыўны ўдзел і важную працу па павышэнні прававой дасведчанасці ва ўніверсітэцкім асяроддзі.
Гродзенскі дзяржаўны ўніверсітэт імя Янкі Купалы