26 жніўня ў Гродзенскі дзяржаўны ўніверсітэт імя Янкі Купалы прыбыла прадстаўнічая дэлегацыя ад аўтаномнай некамерцыйнай арганізацыі «Інстытут рэгіянальнага і муніцыпальнага развіцця». Мэта візіту – устанаўленне прадуктыўнага міжмуніцыпальнага дыялогу з прадстаўнікамі дэпутацкага корпуса, органамі мясцовага самакіравання, а таксама прадпрымальніцкай і экспертнай супольнасцю Рэспублікі Беларусь.
У складзе дэлегацыі – выпускнікі адукацыйнай праграмы «Школа муніцыпальнага Дэпутата» – аднаго з праектаў які найбольш дынамічна развіваецца у сферы падрыхтоўкі і падтрымкі дэпутацкага корпуса на рэгіянальным і муніцыпальным узроўнях у Расійскай Федэрацыі. Многія з іх – аўтары законна-творчых ініцыятыў, якія актыўна ўзаемадзейнічаюць з профільнымі камітэтамі, органамі мясцовай улады і бізнес-супольнасцю.Открыла работу круглого стола ректор Купаловского университета Ирина Китурко:
– Прыемна, што круглы стол «Сінэргія трох сіл: бізнэс, улада і адукацыя ў міжрэгіянальным супрацоўніцтве» праходзіць упершыню на базе нашага ўніверсітэта. Мы ўдзячны, што дэлегацыя з розных рэгіёнаў Расійскай Федэрацыі прыехала да нас для таго, каб у рамках Саюзнай дзяржавы падзяліцца вопытам і акрэсліць агульныя тэмы, якія могуць быць карыснымі і цікавымі для развіцця нашых рэгіёнаў і нашых краін.
Рэктар расказала пра Купалаўскі ўніверсітэт, яго багатую гісторыю, дасягненні, місію, патэнцыял і канкурэнтныя перавагі, адзначыла значны ўклад універсітэта ў эканоміку рэгіёну і краіны.
З прывітальным словам ад расійскага боку выступіў генеральны дырэктар АНА «Інстытут рэгіянальнага і муніцыпальнага развіцця» Максім Кануеў. Ён адзначыў, што сінэргія бізнесу, улады і адукацыі - гэта залог поспеху любой дзяржавы:
– Мы прыехалі з пэўнымі ідэямі, думкамі, якімі жадаем падзяліцца з беларускімі калегамі. У планах – наладзіць двухбаковае ўзаемадзеянне, абмяняцца вопытам у сферы рэалізацыі ініцыятыў, накіраваных на ўстойлівае развіццё тэрыторый, і абмеркаваць магчымыя фарматы супрацоўніцтва ў рамках сумесных праграм, праектаў і дзелавых ініцыятыў. Адмысловая цікавасць выклікае абмен практыкамі ў вобласці рэалізацыі сацыяльна-значных ініцыятыў, муніцыпальнага кіравання, падтрымкі прадпрымальніцтва, а таксама кропак судотыку для патэнцыйнай кааперацыі.
Да ўдзельнікаў мерапрыемства звярнулася старшыня Гродзенскага абласнога Савета дэпутатаў Алена Пасюта. Яна расказала аб станоўчым вопыце ўзаемадзеяння з рэгіёнамі Расійскай Федэрацыі, адзначыла, што за апошнія тры гады заключана 12 пагадненняў аб супрацоўніцтве з суб'ектамі Расійскай Федэрацыі, а найбольш актыўна яно развіваецца з Калінінградскай і Ніжагародскай абласцямі. Таксама яна падзялілася унікальным вопытам па развіццю міжрэгіянальнага супрацоўніцтва з Ніжагародскай вобласцю на ўзроўні малых гарадоў:
– Мы ўзялі за аснову лозунг «Малыя рэгіёны – вялікія магчымасці». З ніжагародцамі праводзім з'езды малых гарадоў. У гэтым годзе прайшоў 4-ы з'езд малых гарадоў на тэрыторыі Гродзенскай вобласці, рыхтуемся да 5-га з'езда, які будзе праходзіць на Ніжагародскай зямлі. У рамках работы з'езда дзелімся вопытам па развіццю органаў мясцовага самакіравання, турызму, маладзёжнай палітыкі і культурных сувязей, аграпрамысловых комплексаў, прамысловасці ў цэлым і прыватнага бізнесу. Дасягаюцца пагадненні па развіццю бізнес-праектаў.
Што датычыцца сённяшняга мерапрыемства, то Алена Васільеўна адзначыла гатоўнасць да супрацоўніцтва і зацікаўленасць у выніках.
Удзельнікі круглага стала выступілі з дакладамі, у якіх прадэманстравалі свой вопыт і лепшыя практыкі ў розных сферах. Яны абмяняліся ўнікальнымі ідэямі і каштоўнымі і напрацоўкамі, абмеркавалі новыя шляхі для супрацоўніцтва.
У ліку спікераў – упаўнаважаны прадстаўнік АНА «Інстытут рэгіянальнага і муніцыпальнага развіцця» у горадзе Масква і Маскоўскай вобласці Кірыл Мазаракі, упаўнаважаны прадстаўнік АНА «Інстытут рэгіянальнага і муніцыпальнага развіцця» ва Ульянаўскай вобласці, гендырэктар ТАА «Лаўс ДЕО» Максім Каралёў і іншыя прадстаўнікі вядучых расійскіх прадпрыемстваў. Так, аб развіцці міжнароднага супрацоўніцтва ў тэхналагічных сферах расказаў гендырэктар ТАА «РСУ-94» Рынат Мінтагіраў, перспектывамі ўзаемадзеяння ў эканамічным кластары падзяліўся гендырэктар ТАА «ЮНІРКОМ» Руслан Іваеў, GR-адукацыю як інструмент сацыяльна-эканамічнага развіцця і аб'яднання рэгіёнаў прадставіў Максім Кануеў. Аб навуковым і інавацыйным патэнцыяле Гродзенскага дзяржаўнага ўніверсітэта імя Янкі Купалы расказала прарэктар па навуковай рабоце Наталля Башун, перспектыўныя напрамкі супрацоўніцтва СЭЗ «Гроднаінвест» з Расійскай Федэрацыяй абазначыў намеснік кіраўніка адміністрацыі СЭЗ «Гроднаінвест» Руслан Кізелевіч, турыстычны патэнцыял горада Гродна і Гродзенскай культуры прадставіў дацэнт кафедры турызму і культурнай спадчыны Сяргей Данскіх.
На заканчэнне пасяджэння круглага стала прадстаўнікі абодвух бакоў выказалі ўпэўненасць, што абмен вопытам і каштоўнасцямі будзе садзейнічаць умацаванню добрасуседскіх сувязей, пашырэнню гарызонтаў міжмуніцыпальнага і дзелавога супрацоўніцтва, а таксама рэалізацыі канкрэтных праектаў, здольных прынесці практычную карысць грамадзянам Беларусі і Расіі.
Гродзенскі дзяржаўны ўніверсітэт імя Янкі Купалы