Праект прызначаны для выкладчыкаў, якія хочуць больш даведацца аб штучным інтэлекце і навучыцца ім карыстацца. Першая сустрэча адбудзецца 15 кастрычніка па адрасе: на вул. Ажэшкі, 22, аўд. 334. Пачатак у 15:05.
«ШІ-асяроддзе» задумана як прастора для адкрытых і добразычлівых зносін, жывога абмену меркаваннямі і смелымі ідэямі аб выкарыстанні штучнага інтэлекту ў адукацыі. Назва праекта выбрана не выпадкова – яна не толькі адлюстроўвае тое, з чым будуць знаёміць удзельнікаў, але і дзень правядзення сустрэч – па серадах.
У рамках мерапрыемства педагогі разбяруць першыя крокі ў працы з нейрасецямі, атрымаюць практычныя рэкамендацыі і дзеючыя лайфхакі пры працы са штучным інтэлектам, якія зэканомяць сілы і час для прадуктыўнай працы, а таксама разбяруць рэальныя кейсы паспяховага прымянення ШІ на вучэбных занятках. Асноўны акцэнт будзе зроблены на распрацоўцы інтэрактыўнага кантэнту – ад дынамічных прэзентацый да творчых заданняў для студэнтаў.
Для ўдзелу ў першым занятку неабходна запоўніць рэгістрацыйную форму.
Станьце часткай «ШІ-асяроддзя» і перазагрузіце свае выкладчыцкія навыкі!
Гродзенскі дзяржаўны ўніверсітэт імя Янкі Купалы