Выкладчыкі, выпускнікі і студэнты фізіка-тэхнічнага факультэта Гродзенскага дзяржаўнага ўніверсітэта імя Янкі Купалы сталі гасцямі праграмы "Профі" на тэлеканале "БТ4 Гродна", дзе падзяліліся вопытам падрыхтоўкі школьнікаў да ўдзелу ў алімпіядах па астраноміі.
Дацэнт кафедры тэарэтычнай фізікі і цеплатэхнікі, а таксама заснавальнік алімпіяднага руху ў рэгіёне Казімір Зноска разам са сваёй вучаніцай, дацэнтам кафедры электратэхнікі і электронікі Вольгай Жарновай, і яе вучаніцай, выкладчыкам-стажорам кафедры агульнай фізікі Надзеяй Паўлавай падзяліліся асабістымі вопытамі.
Студэнты Гродзенскага дзяржаўнага ўніверсітэта імя Янкі Купалы фізіка-тэхнічнага факультэта Яўген Жукоўскі, Арцём Чабатар і Матвей Мацкевіч расказалі, як выкарыстоўваюць астранамічныя кампетэнцыі ў вучобе. Выпускніца фізіка-тэхнічнага факультэта Ганна Лебедзевіч у відэаінтэрв'ю прадэманстравала практычныя аспекты падрыхтоўкі да алімпіяды па астраноміі ў школе.
Праграма «Профі» дала магчымасць шырокай аўдыторыі даведацца пра ўклад Купалаўскага ўніверсітэта ў развіццё астранамічнай адукацыі.
Гродзенскі дзяржаўны ўніверсітэт імя Янкі Купалы