9-11 верасня ў Нацыянальным выставачным цэнтры «БелЭкспа» прайшла юбілейная пятая Выстава кітайскіх тавараў і паслуг (Беларусь) 2026. Сярод удзельнікаў – прадстаўнікі Гродзенскага дзяржаўнага ўніверсітэта імя Янкі Купалы.
У цырымоніі ўрачыстага адкрыцця выстаўкі прынялі ўдзел высокапастаўленыя госці, у лік якіх увайшлі міністр прамысловасці Рэспублікі Беларусь Андрэй Кузняцоў, першы намеснік міністра замежных спраў Сяргей Лукашэвіч, намеснік старшыні Прэзідыума Нацыянальнай акадэміі навук Аляксей Труханаў, а таксама Надзвычайны і Паўнамоцны Пасол Кітая ў Беларусі Чжан Вэньчуань.
У лік наведвальнікаў выставы ўвайшлі прадстаўнікі Купалаўскага ўніверсітэта: прарэктар па навуковай рабоце Наталля Башун, прадстаўнікі РУП УНПЦ «Тэхналаб» у статусе НТП на чале з дацэнтам кафедры электратэхнікі і электронікі фізіка-тэхнічнага факультэта Аляксандрам Васілевічам, а таксама дацэнт кафедры матэрыялазнаўства і рэсурсазберагальных тэхналогій інжынернага факультэта Аляксандр Антонаў і старшы выкладчык кафедры электратэхнікі і электронікі фізіка-тэхнічнага факультэта Андрэй Самародаў.
У межах выставы прайшоў Беларуска-Кітайскі форум гандлёва-эканамічнага і інвестыцыйнага супрацоўніцтва «Прамысловасць аб'ядноўвае Еўразію», выставачныя экспазіцыі, прэзентацыі кампаній і В2В-сустрэчы.
Арганізатарамі выставы выступілі Кітайская федэрацыя машынабудаўнічай прамысловасці пры сумеснай падтрымцы Міністэрства эканомікі Рэспублікі Беларусь, Міністэрства прамысловасці Рэспублікі Беларусь, Адміністрацыі Кітайска-Беларускага індустрыяльнага парка «Вялікі камень» і Кітайскай нацыянальнай машынабудаўнічай карпарацыі (SINOMACH).
Даведачна: 2026-2027 гады аб'яўлены Гадамі прамысловага супрацоўніцтва Кітая і Беларусі, што адкрывае новыя магчымасці для развіцця двухбаковага гандлёва-эканамічнага, прамысловага і інвестыцыйнага ўзаемадзеяння.
Гродзенскі дзяржаўны ўніверсітэт імя Янкі Купалы