25-26 верасня ў Мінску прайшоў маштабны навукова-папулярны фестываль "Дзень навуковай моладзі". Мерапрыемства сабрала больш за тысячу маладых даследчыкаў з усёй краіны - школьнікаў, студэнтаў і выкладчыкаў. У іх лік увайшлі і прадстаўнікі Гродзенскага дзяржаўнага ўніверсітэта імя Янкі Купалы.
Галоўнай мэтай фестывалю было прадэманстраваць маладому пакаленню, што навука - гэта займальная і перспектыўная сфера для кожнага. Асаблівая ўвага на мерапрыемстве была ўдзелена важным для Беларусі сферам: біятэхналогіям, новым матэрыялам, лічбавым рашэнням, робататэхніцы, штучнаму інтэлекту, зялёнай энергетыцы і сучасным адукацыйным тэхналогіям.
25 верасня намеснік старшыні Савета Маладых вучоных Купалаўскага ўніверсітэта Іван Ярмак прыняў удзел у выязным пасяджэнні Савета маладых вучоных пры Міністэрстве адукацыі Рэспублікі Беларусь.
26 верасня на базе Цэнтра тэхнічнай творчасці дзяцей і моладзі дацэнт кафедры ўсеагульнай і славянскай гісторыі Аляксандр Гаршкоў, выкладчык кафедры замежных моў Дзіяна Калеснік і студэнты факультэта гісторыі, камунікацыі і турызму ў рамках фестывалю прадставілі свае знаходкі, распрацоўкі і праекты.
Гродзенскі дзяржаўны ўніверсітэт імя Янкі Купалы